Mohsin Naqvi Ghazal | Muhabtoon Mein Hawas K Aseer Hum Bhi Nahi

Muhabtoon mein hawas k aseer hum bhi nahi

Ghalat nah jaan k itnay haqeer hum bhi nahi

Hamari doobti nabzoo se zindagi to nah maang

Sakhi to hain magar itnay Ameer hum bhi nahi

Hamein bujha day hamari anaa ko qatal nah kar

K be zarrar hi sahi be zameer hum bhi nahi. 

Mohsin Naqvi

Koi Taza Kahani Or Bhi hai Abhi Kuch Rayeegani Or Bhi Hai

Koi Taza Kahani Or Bhi hai
Abhi Kuch Rayeegani Or Bhi Hai

Kinarey Kiyun Piyasay Reh gaye Hain
Agar Darya Main Pani OR Bhi Hai

Yahan Par Hausla Bikhraa Howa Hai
Wahan AiK Huk'may'saani Or Bhi Hai

Badan Phir Gir'day'sehra Ho Na Jaye
Safar Main Rayeegani Or Bhi Hai

Abhi hai Wehshat'tay'ghaam Say Muhabbat
Abhi Ashkoon Main Rawaani Or Bhi Hai

Agar'chaa Hukm Hai Tar-E-jonoon ka
Magar Is Dil Ne Thaani Or Bhi Hai.......!!

Khud kO Wadeef'fay'Gobar Kya Karte Hum Tera Itbar Kya Karte

Khud kO Wadeef'fay'Gobar Kya Karte
Hum Tera Itbar Kya Karte

Hijar Main Wa'saal Ki Kahani Ko
Hum Bhala His'saydar Kya Karte

Dhoop Ki Is Kaa'ri Tama'zat Main
Shajar Bai'Sayaa Dar Kya Karte

Khwash Khuwab Dil Say Jate Rahi
Raat Ka Intezar Kya Karte

Saa'athh Bai'Amaal Muqaddar Thi
Manzeeloon Ka Shumaar Kya Karte

Bad'goomani'yoon Ki Taiz Barish Main
Hum Safar Akhteyaar Kya Karte

Ab To Imkaan'ne'Deed Bhi Na Raha
Jaa K Hum Koye-e-yaar Kya Karte.....

Khizaan Ki Gard main Ya Mosam-e-Bahar main Hoon

Khizaan Ki Gard main Ya Mosam-e-Bahar main Hoon
Ye kaisa Mor Hai main Kis K Intazar main Hoon

Shab-e- Sayah main Bhala koi Sath Kia Daita
Main Be charag Musafar Hon or Ghubar main Hoon

Mera Shaouar Behalta Nahi Hai Lafzon Se
Main Tare Khat k Nahi Tare Intazar main Hoon

Badan main Roshani Khushboo K Sath ayi Hai
Main Tare Khwab main ya Mosam-e-Bahar main Hoon

Kisi se Koi Gilla Hai Na Khush Gumani-e-Dil
Kai Dinoon se Ajab Tarha K Fashar main Hoon

Chhoota Jo Tera Haath Tou Hum Toot Ke Roye

Chhoota Jo Tera Haath Tou Hum Toot Ke Roye
Tum Jo Na Rahay Saath Tou Hum Toot Ke Roye

Chaahat Ki Taman'na Thi Aur Zakhm Diye Tum Ne
Paayi Jo Yeh Saughaat Tou Hum Toot Ke Roye

Imkaan Na Tha Duur Talak Tajdeed-e-Ta'alluq Ka
Dekhay Jo Yeh Haalaat Tou Hum Toot Ke Roye

Anjaan Thay Hum Ab Tak Dard Ki Soorat Se
Hui Jo Mulaaqaat Tou Hum Toot Ke Roye

Jeeti Thi Sadaa Hum Ne HAr Baazi Teray Saath
Tanha Jo Sahi Maat Tou Hum Toot Ke Roye

Logo'n Ne Bahut Poochha Sabab Veraani-e-Dil Ka
Jab Ho Na Saki Baat Tou Hum Toot Ke Roye

Thi Dhoop Bahut Taiz Har Simt Judaayi Ki
Barsi Jo Na Barsaat Tou Hum Toot Ke Roye

Zad Mein Tha Khizaao'n Ki Ab Ke Dil-e-Barbaad
Bichhrray Jo Shajar-Paat Tou Hum Toot Ke Roye

Din Bhar Tou Rahay Chup Keh Duniya Ki Nazar Thi
Bheegi Jo Siaah Raat Tou Hum Toot Ke Roye

Samjha Tha Sadaa Tujh Ko Apna He Koi Hissa
Tukrro'n Mein Bati Zaat Tou Hum Toot Ke Roye

Hum Kartay Rahay Aaj Talak 'Uss Chaand' Ki Khwahish
Yaad Aayi Jo Auqaat Tou Hum Toot Ke Roye

Mohabbaton Mein Gar Koi Jaadugari Nahin Hoti

Mohabbaton Mein Gar Koi Jaadugari Nahin Hoti
Chakori Chaand Ke Liye Yun Baa'nwari Nahin Hoti

Dil Ki Aahatain Dil Khud BaKhud He Suntaa Hai
Dil Ke Muaamlaat Mein Mukhbari Nahin Hoti

Ik Nigaah Mein He Log Rooh Tak Utartay Hain
Nazar Koi Bhi Pyar Mein Sarsari Nahin Hoti

See'nchtaa Hoon Raat Din Aab-e-Chashm Se Magar
Phir Bhi Shaakh-e-Jaa'n Mri Kyun Hari Nahin Hoti

Le Jaa Khud Samait Kar Jo Bhi Meray Paas Hai
Ab Mujh Se Teri Yaado'n Ki Dilbari Nahin Hoti

Tu Ne jo Bhula Diya Tou Kyun Karoon Shikayatain?
Khudaa Ke Kis Kaam Mein Behtari Nahin Hoti?

Ik Chiraagh Se Yaha'n Sau Chiraagh Jaltay Hain
Mohabbat Koi Jahaan Mein Aakhri Nahin Hoti

Haan Bhatak He Jaana Tha Teerah Raah Mein Mujhay
Kisi Ke Naqsh-e-Paa Se Jo Raahbari Nahin Hoti

Teray Baad Bhi Khwaab Dekhta Hai, Per
Ab Kisi Bhi Khwaab Mein Koi Pari Nahin Hoti

Yeh thaka thaka sa jo chaand hai

Yeh thaka thaka sa jo chaand hai
Yah tou khawb hai,kisi aankh ka,
Jissay jaagnay ki saza mili,
Yeh jo chaand hai,yeh azaab hai,
Woh azaab,
jis ney mila dia hai gulaab lamhon ko khak mein,
Yeh jo chaand hai,yeh jawaab hai,
Kisi is tarah kay sawaal ka,
Kah jo aaj tak na utha kabhi kisi zahn mein,
Yeh jo chaand hai,
Yeh tou baab hai kisi dard ka,
Kisi hijr ka,kisi wasl ka,
Kisi zard zard si fasl ka,
Yeh takha thaka sa jo chaand hai,
Kabhi ban paray tou yeh is sey pooch k deykhna,
Issay gahri gahri si neend sey,
Bhala kis ney aa kay jaga dia?
Issay rog kis ney laga dia.....?

Mari Zindagi Hai Wo

Mari Zindagi Hai Wo...!!!

Mujhey lagta hai aisa kabhi kabhi
Jaisy woh ajnabi larki
Mujh sey pyar karti hai
Mujhey chahti hai

Akser yunhi chup chup ker
Dekhti hai, janey kiya sooch ker
Nazrein chura jati hai
Kuch ghabra si jati hai

Apney aanchal ko hawaoon k zoor
per lehrati hai
Mehsoos mujhey yeh hota hai k
Shayad mujhey woh bohat chahti hai

Mujhey aisa ehsas dilati hai jesay
Woh mujh sey kuch kehna chahti hai
Meray pochnay per kuch sharma si jati hai
Kuch ghabra si jati hai

Suniyey" keh kar bhaag jati hai
Ajnabi larki shayad pyaar karti hai MIR sey
Aesa mehsoos hota hai janey kiyon mujhey
Dil bhi kitna pagal hai
Kiya kiya sochta rehta hai

Kuch masoom sey jazbey hain
Kuch undekhey sapney hain
Mager woh nahin janti .!!!
 Meri Zindagi Hai Wo......

Wo Kehti Hai Sitaaray Aansuon Main Kyun Chamaktay Hain.....

Wo Kehti Hai Sitaaray Aansuon Main Kyun Chamaktay Hain.....
Main Kehta Hoon Muhabbat Aansuon Main Rang Bherti Hai !
 Wo Kehti Hai Tumhaaray Baad Baarish Kyun Naheen Hoti....
Main Kehta Hoon Meri Jaan Hijr Sehraaon Main Rehta Hai !
Wo Boli Nain Kuch Kehtay Huay Akser Jhijaktay Hain........
Main Bola Dil Main Baithay Chor Ko Rasta Naheen Milta !
Wo Boli Sardion Main Dhoop Ki Hiddat Kabhi Dekhi......
Main Bola Tum Nay Meray Lams Ki Shiddat Naheen Dekhi !
Wo Boli Dard Kay Us Paar Bhi Ik Dard Hota Hai........
Main Us Kay Baad Kitnee Deir Tak Kuch Bhi Naheen Bola !

meri hasraton ko zuban de meri wehshaton se kalam kar

meri hasraton ko zuban de
meri wehshaton se kalam kar
mein tera adhora sawal hon
mujhay apne man main qayam kar
mujhay aisa koi jawab de
ke sunay tu bagh-0-bahar ho
meri hasraton kay dayar main
teri arzoo tera pyaar ho
main udasiyon main palee bhari
mujhay mil saki na koi kushi
kahan kho gay kahan dhoondh lon
tujhay ae zindigi meri zindigi..!!

Bayshaq Na Mere Saath Safar Ikhtiyaar Kar

Bayshaq Na Mere Saath Safar Ikhtiyaar Kar
Ae Mere Bad-Gumaan, Mera Aetbaar Kar

Woh Khud Tou Titliyoun Ko Liye Ghoomta Raha
Aur Mujh Ko Khat Mein Likhta Raha, Intezaar Kar

Ab Unn Kay Qafilay Tou Kahien Dour Ja Chukey
Jin Ki Talab Mein Aaye Thay Sehra Guzaar Kar

Mein Ney Tou Tere Hijar Ka Dukh Jhail Hi Liya
Ab Tu Bhi Khud Ko Waqf-e-Raah-e-Intezaar Kar

Kab Ho Saki Hai Inn Ki Samandar Se Doosti
Mitti Kay Inn Gharondoun Pe Kam Inhesaar Kar

Muhabbat Is Tarah Jaise Titliyon K Par

Muhabbat Is Tarah Jaise Titliyon K Par
Muhabbat Zindgani Ki Jabeen-e-Naz Ka Jhoomar,
Muhabbat Aarzoo Ki Seep Ka Anmol Sa Gohar,
Muhabbat Aas Ki Dhoop Mein Umeed Ki Chadar,
Muhabbat Hai Tere Gaisu,
Teri Palkein,
Teri Aankhein,
Muhabbat Hai Teri Baatein,
Muhabbat Hai Tumhari Hijr Ki Aur Wisal Ki Raatein,
Muhabbat Hai Teri Dharkan,
Muhabbat hai Teri Saansein,
Muhabbat Hai Teri Khamoshi,
Tumhari Baat Jaisii Hai,
Muhabbat Ko Aagar Samajho,
Muhabbat Tumhari Zaat Jaisii Haiii..!!!!

Dasht-o-Darya Se Guzarna Ho Ke Ghar Mein Rehna

Dasht-o-Darya Se Guzarna Ho Ke Ghar Mein Rehna
Ab Tou Har Haal Mein Hai Ham Ko Safar Mein Rehna

Dil Ko Har Pal Kisi Jaadu Ke Asar Mein Rehna

Khud Se Niklay Tou Kisi Aur Ke Dar Mein Rehna

Sheher-e-Gham ! Dekh, Teri Aab-o-Hawaa Khushk Na Ho
Raas Aata Hai Ose Deeda-e-Tar Mein Rehna

Faislay Saaray Osi Ke Hain Hamaari Baabat
Ikhtiyaar Apna Bas Itna Ke Khabar Mein Rehna

Tootna Yun Tou Muqaddar Hai Magar Kuch Lamhay
Phool Ki Tarah Mayassar Ho Shajar Mein Rehna

Taayir-e-Jaan Ke Guzarnay Se Badaa Saaneha Hai
Shoq-e-Parwaaz Ka Tootay Howay Par Mein Rehna

amar ker lo wo sab lamhey jo ham ne yooN guzaRey haiN

amar ker lo wo sab lamhey
jo ham ne yooN guzaRey haiN
seheR keR lo wo sab rateiN
jahaN apni hi dunya thi
jahaN sanseiN bhi apni theeN
jahaN sapney bhi apney thay

safeR keR lo wo sab rastey
jahaN kuch bhi wafa’eiN haiN
jahaN khushboo hai pyaroN ki
jahan yadeiN haiN yarooN ki

fikeR keR lo zaRa ek pal
ke tum ne kis ko kHoya hai
usey tum dhoondh pao ga’ey
kabhi phiR dekh pao gai

taheR ja’oo jahaN ho tum
k us biN tum adhooRey ho
kabhi phiR mil na pa’oo ga’ey
usey dhoondo ga’ey yadooN meiN
usey is pal bula lo tum
k ye lamhey tumhaRey haiN

Ahmad Faraz's Last Ghazal, Gham e Hayat Ka Jhagra Mita Raha Hai Koi

Gham e Hayat Ka Jhagra Mita Raha Hai Koi
Chalay Aao K Duniya Se Ja Raha Hai Koi

Koi Azal Se Keh Do K Ruk Jaye Do Ghari

Suna Hai Aanay Ka Wada Nibha Raha Hai Koi

Woh Is Naaz Se Baithay Hain Lash K Paas
Jaisay Roothay Huway Ko Mana Raha Hai Koi

Palat Kar Na Aa Jaye Phir Sans Nabzon Mein
Itnay Haseen Hathon Se Maiyat Saja Raha Hai Koi

Sumandar Mein Utarta Hoon Tou Aankhen Bheeg Jaati Hain

Sumandar Mein Utarta Hoon Tou Aankhen Bheeg Jaati Hain
Teri Aankhon Ko Parhta Hoon Tou Aankhen Bheeg Jaati Hain

Tumhara Naam Likhne Ki Ijazat Chhin Gayi Jab Se
Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay
Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein
Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se
Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko Yaad Aate Hain
Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon Magar Junhi
Qadam Choukhat Pe Rakhta Hoon Tou aankhen Bheeg Jaati Hain

Her Ek Muflis K Maathe Per Alum Ki Daastanen Hain
Koi Chehra Bhi Parhta Hoon Tou Aankhen Bheeg Jaate Hain

Bare Logon K Oonche Badnuma Aur Sard Mahlon Ko
Ghareeb Aankhon Se Takta Hoon Tou Aankhen Bheeg Jaati Hain

Dukh Dard Kay Maroon Say Mera Zikar Na Karna

Dukh Dard Kay Maroon Say Mera Zikar Na Karna
Ghar Jaon To Yaroon Say Mera Zikar Na Karna

Woh Zabt Na Kar Paen Gay Ankho Kay Samander
Tum Rah Guzaroon Say Mera Zikar Na Karna

Pholon Kay Nashaiman May Raha Hoon May Sada Say
Daikho Kabhi Kharon Say Mera Zikar Na Karna

Woh Meray Hal May Bay Sakhta Na Ro Dain
Is Bar Bharoon Say Mera Zikar Na Karna

Shayad Yai Andhaira Hi Mujhay Rah Dikhay
Tum Chand Sitaroon Say Mera Zikar Na Karna

Kaheen Woh Meri Kahani Ko Ghalt Rang Na Dai Dain
Afsana Nigaroon Say Mera Zikar Na Karna

Gehrahi May Layjain Gay Tum Ko Bhi Baha Ker
Darya Kay Kinaroon Say Mera Zikar Na Karna

Woh Shaks Melay To Usay Her Bat Batana
Tum Sirf Isharoon Say Mera Zikar Na Karna

Goongi Ho Gai Aaj kuch Zuban kehty kehty,

Goongi Ho Gai Aaj kuch Zuban kehty kehty,
Hichkicha Gya Main khud ko Musalman kehty kehty,

Ye baat Nahi k Mujh ko us Par yaqeen Nahi,

Bas Dar Gya khud ko saheb-e-Imaan kehty kehty,

Toufeeq Na hoi Mujhy Ek waqt ki Namaz ki,
Aur Chup Huwa Moazan Aazaan kehty kehty,

Kisi kafir Ne jo Poocha k ye kya Hay Maheena,
Sharam se pani pani huwa Main Ramzan kehty kehty,

Mere SHELF Main Gard se Atki kitaab ka Jo Poocha,
Main GarR Gaya Zameen Main Quran kehty kehty,

Ye sun k Chup saadh Li "IQBAL" Us Ne,
Yun laga jaise ruk gaya ho mujhy Haiwaan kehty kehty

Chhoota Jo Tera Haath Tou Hum Toot Ke Roye

Chhoota Jo Tera Haath Tou Hum Toot Ke Roye
Tum Jo Na Rahay Saath Tou Hum Toot Ke Roye

Chaahat Ki Taman'na Thi Aur Zakhm Diye Tum Ne
Paayi Jo Yeh Saughaat Tou Hum Toot Ke Roye

Imkaan Na Tha Duur Talak Tajdeed-e-Ta'alluq Ka
Dekhay Jo Yeh Haalaat Tou Hum Toot Ke Roye

Anjaan Thay Hum Ab Tak Dard Ki Soorat Se
Hui Jo Mulaaqaat Tou Hum Toot Ke Roye

Jeeti Thi Sadaa Hum Ne HAr Baazi Teray Saath
Tanha Jo Sahi Maat Tou Hum Toot Ke Roye

Logo'n Ne Bahut Poochha Sabab Veraani-e-Dil Ka
Jab Ho Na Saki Baat Tou Hum Toot Ke Roye

Thi Dhoop Bahut Taiz Har Simt Judaayi Ki
Barsi Jo Na Barsaat Tou Hum Toot Ke Roye

Zad Mein Tha Khizaao'n Ki Ab Ke Dil-e-Barbaad
Bichhrray Jo Shajar-Paat Tou Hum Toot Ke Roye

Din Bhar Tou Rahay Chup Keh Duniya Ki Nazar Thi
Bheegi Jo Siaah Raat Tou Hum Toot Ke Roye

Samjha Tha Sadaa Tujh Ko Apna He Koi Hissa
Tukrro'n Mein Bati Zaat Tou Hum Toot Ke Roye

Hum Kartay Rahay Aaj Talak 'Uss Chaand' Ki Khwahish
Yaad Aayi Jo Auqaat Tou Hum Toot Ke Roye

Mujhe Tum Nazar Se Gira To Rahe Ho

Mujhe Tum Nazar Se Gira To Rahe Ho
Mujhe Tum Kabhi Bhi Bhula Na Sakoge
Na Jaane Mujhe Kyoon Yakin Ho Chala Hai
Mere Pyaar Ko Tum Mitaa Na Sakoge
Meri Yaad Hogi Jidhar Jaaoge Tum
Kabhi Nagma Banke Kabhi Banke Aansoo

Kabhi Nagma Banke Kabhi Banke Aansoo
Tadapta Mujhe Har Taraf Paaoge Tum
Shama Jo Jalaayi Hai Meri Wafa Ne
Bujhaana Bhi Chaaho Bujha Na Sakoge
Kabhi Naam Baaton Mein Aaya Jo Mera
To Bechain Ho Hoke Dil Thaam Loge
To Bechain Ho Hoke Dil Thaam Loge
Nigahon Mein Chaayega Gham Ka Andhera
Kisi Ne Jo Poocha Sabab-A-Suboon Ka
Bataana Bhi Chaaho Bata Na Sakoge