Na Jane Us k Dil Mein Mehfilain Abaad Hon Kitni

Na Jane Us k Dil Mein Mehfilain Abaad Hon Kitni

Akela Jo Bhi Betha Ho Usay “Tanha” Nahi Kehty

Kash tu mujh ko mil gayi hoti,

Zindagi rukh badal gayi hoti,
Kash tu mujh ko mil gayi hoti,
Zindagi ko galey laga leta,
Har tamana pighal gayi hoti,
Kash tu mujh ko mil gayi hoti,

Khawab palkon pe mein sajaa leta,
Tujh ko seeney se mein laga leta,
Apne dil mein tujhe basaa leta,
Meri kismat badal gayi hoti,
Kash tu mujh ko mil gayi hoti,

Aahh nikle gi hont si loon ga,
Jis tarah ho sake ga jee lon ga,
Zeher bhi hanste hanste pee loon ga,
Gham ki yeh dhoop dhal gayi hoti,
Kash tu mujh ko mil gayi hoti,

Ab tere gham ko dil mein paloon ga,
Haan judai ka zakham kha loon ga,
Maut ko bhi galey laga loon ga,
Maut bhi aa ke tall gayi hoti,
Kash tu mujh ko mil gayi hoti..

Duayen Hum Ne Maangi Thi Mazaay Ghairoon Ne Lootay Hain,,,,

Duayen Hum Ne Maangi Thi Mazaay Ghairoon Ne Lootay Hain,,,,

Bara Mehngaa Paraaa Hum Ko,
Sanam Tera Aashiq Hona.

December Ke Mahine Ka Wo Shayd 11wan Din Tha

December Ke Mahine Ka

Wo Shayd 11wan Din Tha

Kahin Guzrey Baras Mai Ne

Mohabbat Lafz Likha Tha

Kisi Kaghaz Ke Tukrey Par

Achanak Yaad Ayaa Hai

Kahin Guzrey Baras Mujh Ko

Kisi Se Baat Karni Thi

Usey Kehna Tha Jaan e Jaan

Mujhe Tum Se Mohabbat Hai

Magar Mai Keh Nahi Payaa

Wo Kaghaz Aaj Tk Liptaa Paraa

Hai Dhool Mei Lekin

Kisi Ko De Nahi Payaa

December Phir Ke Ayaa Hai

December Chalaa Bhi Jaaye Ga

Magar!

Dobaraa Chaah Kr Bhi Mai

“Mohabbat”

Kr Nahi Payaa….

Tuu Bi Saada Hai Chaal Badaltaa Hi Nhin

Tuu Bi Saada Hai Chaal Badaltaa Hi Nhin,

 

Hum Bi Saada Han Usi Chaal Mei Ajaty Hain

Chehrey Khiley Huey Han To Dil Han Bujhey Huey…

Chehrey Khiley Huey Han
To
Dil Han Bujhey Huey…

 

Har Shakhs Mei Tazaad Hai
Din Raat Ki Tarhaan….

Mohabbat jab lahu ban kar,ke ab wapis palatne ka amal aaghaz hota he

Mohabbat jab lahu ban kar
ragon me sarsaraey to
koi bhoola hua chehra
achanak yad aye to
qadam mushkil se uthtay hain…
Irada dagmagaye to
koi maddham se lehjay me
tumhe wapis bulae to
theher jana
samajh lena
ke ab wapis palatne ka amal aaghaz hota he
Kabhi tanhaion ka dard
aankhon me samaay to
koi lamha guzashta chahaton ka
jab sataey to
kisi ki yad me rona
tumhen bhe khoon rulaay to
agar tum se tumhara dill
achanak rooth jaey to
Kabhi anhonion ka dar
parindon ko uraey to
hawa jab per se ik zard sa
patta giraey to
theher jana
samajh lena
ke ab wapis palatne ka amal aaghaz hota he

KASH MAIN TERAY HASEEN HATH KA KANGAN HOTA

KASH MAIN TERAY HASEEN HATH KA KANGAN HOTA
TOO BARAY PIYAR SAY,CHAO SAY,MAAN KAY SAATH
APNI NAZUK SI KALAI MAIN CHARHATI MUJH KO
AUR BAITABI SAY FURSAT KAY KHIZAN LAMHON MAIN
TOO KISI SOCH MAIN DOOBI JO GHUMATI MUJH KO
MAIN TERAY HAATH KI KHUSHBOO SAY MEHEK SA JAATA

TOO KABHI MODE MAIN AAKAR MUJHE CHOOMA KARTI
TERAY HONTON KI HIDDAT SAY DEHEK SA JAATA
RAAT KO JAB BHI TOO NEENDON KAY SAFAR PAR JAATI
MARMARIEN HAATH KA TAKIA BANAYA KARTI
MAIN TERAY KAAN SAY LAG KAR KAI BATAIN KARTA
TEREE ZULFON KO,TERAY GAAL KO CHOOMA KARTA

JAB BHI TOO BAND QABA KHOLNAY LAGTI JAANAN
APNI AANKHON KO TERAY HUSN SAY ZAKHEERA KARTA
MUJH KO BAITAB SA RAKHTA TEREE CHAHAT KA NASHA
MAIN TERI ROOH KAY GULSHAN MAIN MEHEKTA REHTA
MAIN TERAY JISM KAY AANGAN MAIN KHANAKTA REHTA

KUCH NAHI TOU YEHI BENAAM SA BANDHAN HOTA
KASH MAIN TERAY HASEEN HATH KA KANGAN HOTA!

Mohabbat ab nahi hogi yeh kuch din baad mai hogi,,

Mohabbat ab nahi hogi yeh kuch din baad mai hogi,,

Guzar jayenge jab yeh din yeh Unki yaad mai hogi...!

Nigahon K Tasadum Se Ajab Takraar Karti Hai

♥ Nigahon K Tasadum Se Ajab Takraar Karti Hai,
Yaqin Kaamil Nahi Lekin Guman Hai Piyar Karti Hai” ♥

♥ “Laraz Jata Hon Main Ye Soch K Kafir Na Ho Jaon,
Tabiyat Us Ki Pooja Pe Bara Israar Karti Hai” ♥

♥ “Use Maloom Hai Shayad Mera DIL Hai Nishane Per,
Labon Se Kuch Nahi Kehti Nazar Se Waar Karti Hai” ♥

♥ “Main Us Se Pochta Hon Khwab Me, ‘Mujh Se Mohabat Hai?’
Phir Aankhen Khol Deta Hon Wo Jab Izhaar Karti Hai. . .♥ ~

Khirki, Chand, Kitab Aur main

Khirki, Chand, Kitab Aur main
Muddat Se ik Baab Aur main

Shab Bhar Khailain Apus main
Do Ankhain ik Khawab Aur main

Mouj Aur Kashti, Sahil par
Deriya main Gardab Aur main

Shaam, Udasi, Khamoshi
Kuch Kankar, Talaab aur main

Har Shab Pakray Jatay hain
Ghari Neend Khawab Aur main..

Tumhen muj se gila kya hy..?

Tumhen muj se gila kya hy..?
Achanak
be rukhi itni..
Batao to hua kya hy..?
Manaaun kis tarah tum ko..?
Mujhy itna to
batla do..
Agar ab ho saky tum se..
To ye ahsan farma do..
Meri manzil mohabat hy..
Mujhy manzil pe pohncha do..
Tumhari aankh men aansu..
Mujhy achy nhi lagty..
Tumhary narm honton pe..
“Gily achy nhi lagty”..
Tumhary muskurany se..
Mera dil muskurata hy..
Tumhary rooth jany se..

Mera dil toot jata ha.....!!

Main aksar Ussy kehta hon,

Main aksar Ussy kehta hon,

Tum shor boht Machaati ho”

Phir wo mujhse kehti hy

Jab kalaai meri tum pakro gay..
Chorri to meri khankay gi..
Chorri ka shor to hota hy..

Jb pyar sy mujhe bulao gay..
Tab Dorr k main to aungi..
Phr Paayal meri khanky gi..
Paayal ka shor to hota hy..

Jb bindiya meri Chamky gi..
Ye Aankh me teri Damky gi..
Jazby phr shor Machayen gay..
Jazbon ka shor to hota hai..

Zulf meri suljhaaty hue..
Jb Gajray ko Bikhraao ge..
Tab Saansain meri Mehken gi..
Saanson ka shor to hota hy….

Terey Hijr Mei Yeh Pata Chala,

Terey Hijr Mei Yeh Pata Chala,

Meri Umer Kitni Daraz Hai…

Ye Jo Khud Shikastaa Se Han Qehqahey!

Ye Jo Khud Shikastaa Se Han Qehqahey!
Merey Dil Ko Lagte Han Bojh Se!


Wo Jo Apney Aap Mei Mast Ho!
Mujhe Us Hansi Ki Talash Hai!

Jo Utar k Zeena_e Sham Sey

Jo Utar k Zeena_e Sham Sey

Teri Chashm_e Tar Mei Sama Gaye



Vohi Jalte Bujhte Charaagh Sey

Mere Baam_o Dar Ko Saja Gaye



Vo Ajeeb Phool Sey Lafz They

Tere Hont Jin Sey Mehek Utthey



Mere Sehen_e Dil Mei Door Tak

Kai Baagh_e Dil Laga Gaye



Ye Ajeeb Khel Hai Pyaar Ka

Meine Aap Dekha Yeh Mojza



Vo Jo Lafz Mere Gumaan Mei They

Vo Teri Zaban Pe AA Gaye



Vo Jo Geet Tum Ne Suna Nahi

Meri Umar Bhar Ka Riaz Tha



Mere Gham Ki Thi Vo Dastaan

Jise Tum Hansi Mei Uraa Gaye…

Laga Kr Aag Seene Mei Chale Ho Tum Kahan Humdum!

Laga Kr Aag Seene Mei Chale Ho Tum Kahan Humdum!

Abhi To Raakh Urne Pr Tamasha Or Bhi Hoga!

Tishnagi Rozz Mulaqaat Mein Reh Jaati Hai,

Tishnagi Rozz Mulaqaat Mein Reh Jaati Hai,
Meri Ek Baat Kahin Baat Mein Reh Jaati Hai,

Chaand Aankhon Sey Guzarta Hai, Guzar Jaata Hai,
Chaandni Dil Kay Mazafaat Mein Reh Jaati Hai,

Khawab Mein Haath Mila Kar Wo Chala Jata Hai,
Or Phir Ek Dhanak Haath Mein Reh Jaati Hai,

Uskaa Chehra To Nikal Jaaye Meri Sochon Sey,
Roshni Mere Khyalat Mein Reh Jaati Hai,

Jab Wo Raa’naai Sey Uthh Jaaye Mere Pehlu Sey,
Aik “Tanhai” Meri Zaat Mein Reh Jaati Hai….

Kabi yaad aye to puchana zara apni khlwat-e-sham se

Kabi yaad aye to puchana zara apni khlwat-e-sham se
Kisy ishaq tha teri zat se kisy pyar tha tery naam se

Zara yaad kr k wo kon tha jo kabi tujhy b aziz tha
Wo jo jee utha tery naam sy wo jo mr mita tery naam py

Humain berukhi ka nhi gila k yehi wafaon ka hai sila
Magar aisa jurm tha konsa gaye hum Dua-o-Salam se

Na kabi Visaal ki chaah ki, Na kabi Firaaq mein aah ki
K mera treeqa-e-Bandgi hai, juda treeqa-e-Aam se

Tasvir Tri Dil Mra Behlaa Na Sake Gi

Tasvir Tri Dil Mra Behlaa Na Sake Gi
Ye Tri Tarha Mujh se To Sharrma Na Sake Gi


Maen Baat Karun ga To Ye Khaamosh Rahe Gi
Seeney Se Lagaa Longa To Ye Kchh Na Kahe Gi
Uljhii Hui Ratoon Ko Ye Suljhaa Na Sake Gi


Ye Aankhen Han Thehri Hoi Chanchal Wo Nigaahen
Ye Haath Han Sehmey Hoe Aur Mast Wo Baahen
Parchaai To Insan Ke Kaam Aa Na Sake Gi


In Hontoon Ko GhayaL Maen Kchh De Na Sakun ga
Is Zulf Ko Maen Hath Mei Bi Ley Na Sakun Ga
Aaram Wo Kiya De gi Jo Tarrpa Na Sake Gi


Tasvir Tri Dil Mra Behlaa Na Sake Gi