Main Ne Tohmat-e-Takfeer Bhi Uthaai Hui Hai…
Eik Neiki Merey Hissey Mei Bhi Aai Hui Hai…
Merey KaandhoN Pe Dharaa Hai Koi Haraa Hua Ishq…
Yeh Ghari Hai Jo Muddat Se Uthaai Hui Hai…
Toot Jaaunga Agar Mujhh Ko Banaaya Bhi Gaya…
Koi Shaey Aesi Merey Jism Mei Samaai Hui Hai…
Sard Mehri Ke Ilaaqey Mei Hoon Masroof-e-Duaa…
Zinda Rehnay Ke Leiy Aag Jalaai Hui Hai…
Qissaa Goo! Teri Chaupaal Se Mai Ab Chaltaa Hoon…
Raat Bhi Bheeg Chuki, Niind Bhi Aayi Hui Hai…
No comments:
Post a Comment