DECEMBER jub be ata hai
wo pagli...
phir say beetay mousmoon kee
talkheeon koo
yaad kartee hai
purana card partee hai
kay jis may us nay
likha tha
may lotoon ga DECEMBER may

naye kapray banatee hai
wo sara ghar sajate hai
DECEMBER kay her ek din koo
wo gin gin kar betatee hai
jonhi 15 guzarti hai
wo kuch kuch toot jatee hai

magar phir be
purani album ko khol kar
mazi bulate hai!!

nahee malom yea is koo
kay beetay waqt ke khushian
bohut takleef daiteen hain
mehez dil ko jalate hain...

yonhi din beet jatay hain
DECEMBER loot jata hai
magar wo khush-fehem larki....
dobara say calender may
DECEMBER kay meheenay kay safay koo
moor kar phir say
DECEMBER kay seher may
doob jate hai....

kay akhir us nay likha tha
MAY LOTOON GA DECEMBER MAY...